Pad Varšavaj zatrymali biełarusa, jaki trymaŭ vialikuju partyju vybuchoŭki
Supracoŭniki kontrterarystyčnaha adździeła polskaj palicyi vyjavili ŭ Viališavie pad Varšavaj bujnuju partyju vybuchovych rečyvaŭ. Žycharoŭ žyłoha kompleksu Royal evakujavali, zatrymaŭšy hramadzianina Biełarusi, piša Most.
Zdymak ilustracyjny. Fota: sbsp.policja.pl
Śpiecapieracyja ŭ adnoj z kvater žyłoha kompleksu pačałasia kala 10 ranicy. Tam vyjavili bujnuju partyju vybuchoŭki. Na miescy pracavali piratechniki, śledča-apieratyŭnaja hrupa i kryminalisty.
Dla harantavańnia hramadskaj biaśpieki palicyja pryniała rašeńnie ab evakuacyi miascovych žycharoŭ. Paśla zakančeńnia apieracyi im dazvolili viarnucca ŭ svaje damy.
Vybuchovyja rečyvy kanfiskavanyja, śledčyja praviali pieratrus jašče adnoj kvatery na terytoryi Viališava.