Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
Kancler Hiermanii Frydrych Mierc zajaviŭ, što pahadnieńnie ab spynieńni ahniu pamiž Rasijaj i Ukrainaj moža być padpisana ŭžo ŭ najbližejšyja vychadnyja.
Frydrych Mierc. Fota: AP Photo/Markus Schreiber
«Miač ciapier na baku Maskvy», — skazaŭ Frydrych Mierc, vystupajučy na pres-kanfierencyi ŭ Bruseli razam z hienieralnym sakratarom NATA Markam Rute.
Jon padkreśliŭ, što z ulikam abvieščanaha Rasijaj trochdzionnaha pieramirja nibyta jość «vialikaja imaviernaść» padaŭžeńnia spynieńnia ahniu da 30 dzion. Hetuju ŭmovu padtrymlivajuć Kijeŭ i zachodnija sajuźniki, i jana moža stać krokam da pačatku mirnych pieramoŭ.
Raniej Mierc zajaviŭ, što padtrymlivaje ideju ab praciahłym pieramirji pamiž Rasijaj i Ukrainaj. U vypadku, kali Maskva nie pojdzie na taki krok, Bierlin hatovy ŭzmacnić sankcyjny cisk, skazaŭ jon.
Čytajcie taksama:
Frydrych Mierc vystupiŭ suprać miru va Ukrainie na ŭmovach Maskvy
Hiermanija vyrašyła pakinuć historyju ŭ minułym i rychtavacca da vajny