Расія і Украіна могуць падпісаць пагадненне аб спыненні агню ў гэтыя выхадныя — Мерц
Канцлер Германіі Фрыдрых Мерц заявіў, што пагадненне аб спыненні агню паміж Расіяй і Украінай можа быць падпісана ўжо ў найбліжэйшыя выхадныя.
Фрыдрых Мерц. Фота: AP Photo/Markus Schreiber
«Мяч цяпер на баку Масквы», — сказаў Фрыдрых Мерц, выступаючы на прэс-канферэнцыі ў Брусэлі разам з генеральным сакратаром НАТА Маркам Рутэ.
Ён падкрэсліў, што з улікам абвешчанага Расіяй трохдзённага перамір'я нібыта ёсць «вялікая імавернасць» падаўжэння спынення агню да 30 дзён. Гэтую ўмову падтрымліваюць Кіеў і заходнія саюзнікі, і яна можа стаць крокам да пачатку мірных перамоў.
Раней Мерц заявіў, што падтрымлівае ідэю аб працяглым перамір'і паміж Расіяй і Украінай. У выпадку, калі Масква не пойдзе на такі крок, Берлін гатовы ўзмацніць санкцыйны ціск, сказаў ён.
Чытайце таксама:
Фрыдрых Мерц выступіў супраць міру ва Украіне на ўмовах Масквы
Германія вырашыла пакінуць гісторыю ў мінулым і рыхтавацца да вайны