U Homieli pastaviać pomnik maršału Rakasoŭskamu
U Homieli zakłali kamień na miescy budučaha pomnika savieckamu maršału Kanstancinu Rakasoŭskamu, paviedamili ŭ pres-słužbie Homielskaha abłvykankama.
Homielskija čynoŭniki na miescy budučaha pomnika
Pomnik savieckamu maršału maje źjavicca ŭ abłasnym centry 26 listapada, kali budzie adznačacca 82-ja hadavina vyzvaleńnia Homiela ad niamieckaj akupacyi.
Saviecki vojenačalnik udzielničaŭ u vyzvaleńni Biełarusi, kamandujučy padčas apieracyi «Bahracijon» u 1944 hodzie adnym z frantoŭ.
Adznačajecca, što za vialiki ŭkład u vyzvaleńnie i adnaŭleńnie razburanaha vajnoj Homiela Kanstancin Rakasoŭski ŭ studzieni 1967 hoda byŭ pieršy ŭdastojeny zvańnia hanarovaha hramadzianina horada. U jahony honar taksama ŭ abłasnym centry nazvanaja vulica, a na placoŭcy abłasnoha muzieja vajskovaj słavy pastaŭleny biust.
Čytajcie taksama:
U Maskvie adpiłavali hałavu kania Rakasoŭskaha na hareljefie «Parad Pieramohi»
Znachodka archivistaŭ: maršał Rakasoŭski naradziŭsia nie ŭ Varšavie, a ŭ biełaruskich Cielachanach