Armija Pakistana atrymała «svabodu dziejańniaŭ» dla ŭdaru pa Indyi ŭ adkaz
Uzbrojenyja siły Pakistana ŭpaŭnavažanyja pryniać adkaznyja miery ŭ suviazi z ahresijaj Indyi — adpaviednaje rašeńnie pryniała Rada nacyjanalnaj biaśpieki Pakistana, paviedamlaje Samaa.
Sabir Mazhar/Anadolu via Getty Images
U rezidencyi premjer-ministra Pakistana 7 maja adbyłosia ekstrannaje pasiadžeńnie RNB. Rada ŭpaŭnavažyła Uzbrojenyja siły krainy na pryniaćcie adkaznych dziejańniaŭ, zajaŭlajučy pra prava krainy na samaabaronu ŭ adpaviednaści z art. 51 Statuta AAN.
U artykule 51 Statuta AAN pryznajecca prava dziaržavy-člena arhanizacyi na indyvidualnuju abo kalektyŭnuju samaabaronu ŭ vypadku ŭzbrojenaha napadu — da taho času, pakul Saviet Biaśpieki nie prymie nieabchodnyja miery dziela padtrymańnia mižnarodnaha miru i biaśpieki.
«Pakistan pakidaje za saboj prava reahavać u toj čas, u tym miescy i tym sposabam, jakija jon vybiare sam», — havorycca ŭ zajavie pa vynikach sustrečy.
Rada taksama zaklikała mižnarodnuju supolnaść nieadkładna źviarnuć uvahu na dziejańni Indyi. Eskałacyja, padkreślili ŭ RNB, ujaŭlaje surjoznuju pahrozu rehijanalnamu miru i stabilnaści.
Čytajcie taksama:
Ministr abarony Pakistana zajaviŭ pra hatoŭnaść zaviaršyć vajenny kanflikt pry zhodzie Indyi
Pakistan zajaviŭ pra vosiem zahinułych u vyniku indyjskaha ŭdaru
Indyja naniesła ŭdar abmiežavanaha maštabu pa niekalkich celach u Pakistanie