Śviatłana Cichanoŭskaja ŭziała ŭdzieł u samicie Trochmorja ŭ Varšavie
29 krasavika 2025 hoda Śviatłana Cichanoŭskaja ŭziała ŭdzieł u samicie Inicyjatyvy Trochmorja ŭ Karaleŭskim zamku ŭ Varšavie, jaki adbyŭsia pa zaprašeńni prezidenta Polščy Andžeja Dudy. Udzieł u im uziali delehacyi z bolš čym 20 krain.
Śviatłana Cichanoŭskaja padčas samitu. Fota: pres-słužba Cichanoŭskaj
Na praciahu samitu Śviatłana Cichanoŭskaja praviała šerah karotkich razmoŭ ź lidarami krain-udzielnic. Jana parazmaŭlała z prezidentami Čechii, Słavakii, Bałharyi, Polščy, Estonii, Ałbanii, a taksama ź ministram transpartu Turcyi, pamočnikam sakratara ZŠA pa enierhietycy i ministram pa jeŭrapiejskich spravach Ispanii.
«Ja vystupaju za toje, kab Biełaruś viarnułasia ŭ jeŭrapiejskuju prastoru — nie tolki palityčna, ale i ekanamična, łahistyčna, enierhietyčna. Inicyjatyva Trochmorja — heta taja płatforma, dzie my možam budavać budučyja partniorstvy dla volnaj Biełarusi,» — zajaviła Śviatłana Cichanoŭskaja padčas samitu.
Trochmorje — heta rehijanalnaja inicyjatyva supracoŭnictva pamiž krainami Centralnaj i Uschodniaj Jeŭropy ŭ śfierach transpartu, enierhietyki, biaśpieki i ličbavaj infrastruktury.
Čytajcie taksama:
Cichanoŭskaja pryznałasia, što nie ŭmieje hatavać katlety
Čamu Cichanoŭskaja nie pajechała na pachavańnie Papy?
Cichanoŭskaja: «Dobryja ruskija» majuć zajavić, što nie buduć zamachvacca na suvierenitet Biełarusi