Святлана Ціханоўская ўзяла ўдзел у саміце Трохмор’я ў Варшаве
29 красавіка 2025 года Святлана Ціханоўская ўзяла ўдзел у саміце Ініцыятывы Трохмор’я ў Каралеўскім замку ў Варшаве, які адбыўся па запрашэнні прэзідэнта Польшчы Анджэя Дуды. Удзел у ім узялі дэлегацыі з больш чым 20 краін.
Святлана Ціханоўская падчас саміту. Фота: прэс-служба Ціханоўскай
На працягу саміту Святлана Ціханоўская правяла шэраг кароткіх размоў з лідарамі краін-удзельніц. Яна паразмаўляла з прэзідэнтамі Чэхіі, Славакіі, Балгарыі, Польшчы, Эстоніі, Албаніі, а таксама з міністрам транспарту Турцыі, памочнікам сакратара ЗША па энергетыцы і міністрам па еўрапейскіх справах Іспаніі.
«Я выступаю за тое, каб Беларусь вярнулася ў еўрапейскую прастору — не толькі палітычна, але і эканамічна, лагістычна, энергетычна. Ініцыятыва Трохмор’я — гэта тая платформа, дзе мы можам будаваць будучыя партнёрствы для вольнай Беларусі,» — заявіла Святлана Ціханоўская падчас саміту.
Трохмор’е — гэта рэгіянальная ініцыятыва супрацоўніцтва паміж краінамі Цэнтральнай і Усходняй Еўропы ў сферах транспарту, энергетыкі, бяспекі і лічбавай інфраструктуры.
Чытайце таксама:
Ціханоўская прызналася, што не ўмее гатаваць катлеты
Чаму Ціханоўская не паехала на пахаванне Папы?
Ціханоўская: «Добрыя рускія» маюць заявіць, што не будуць замахвацца на суверэнітэт Беларусі