Litoŭski servis Paysera patłumačyŭ, čamu zabłakavaŭ rachunki niekatorych biełarusaŭ

Na minułym tydni litoŭski anłajn-bank Paysera paviedamiŭ pra zakryćcio rachunkaŭ biełarusam i rasijanam, jakija majuć litoŭskija nacyjanalnyja vizy D, kali jany nie paćvierdziać najaŭnaść litoŭskaha ci inšaha jeŭrapiejskaha DNŽ. Ciapier jon na zapyt rasijskaj «Novoj haziety Jevropa» patłumačyŭ, čamu tak zrabiŭ.

Fota ilustracyjnaje

U servisie patłumačyli, što Bank Litvy, maŭlaŭ, zapatrabavaŭ uzmocnienych pravierak klijentaŭ biez hramadzianstva i DNŽ krain ES. Hetyja miery dapamahajuć zabiaśpiečyć abaronu finansavaj sistemy Litvy ad mahčymych złoŭžyvańniaŭ, źviazanych ź mižnarodnymi sankcyjami.

Pry hetym padkreślivacca, što hetyja abmiežavańni nie nakiravanyja suprać jakich-niebudź kankretnych hrup asob abo prafiesij, takich jak niezaležnyja žurnalisty abo pradstaŭniki hramadzianskaj supolnaści.

Paysera — litoŭski płaciežny servis, jakim časta karystajucca emihranty ź Biełarusi i inšych krain, u tym liku ŭ situacyjach, kali niama mahčymaści adkryć rachunak u inšaj ustanovie.

Inšyja jeŭrapiejskija anłajn-banki i apłatnyja servisy, u tym liku litoŭski Revolut, pakul nie rassyłali ŭładalnikam viz D padobnych listoŭ.

Kamientary da artykuła