ZŠA ŭviali suprać Kitaja taryfy 104%
ZŠA ŭvodziać dadatkovyja 50% mytaŭ na impart z Kitaja. Ciapier poŭny pamier mytaŭ składzie 104%. Taryfy zapracujuć 9 krasavika. Pra heta paviedamiła pres-sakratarka Biełaha doma Kerałajn Livit.
Kiraŭnik Kitaja Si Czińpin. Fota: AP Photo / Tatan Syuflana
Raniej Piekin abviaściŭ, što ŭviadzie 34-adsotkavyja myty na ŭsie amierykanskija tavary ŭ adkaz na taryfy, jakija prezident ZŠA ŭvioŭ suprać Kitaja. U svaju čarhu Tramp pahražaŭ uviadzieńniem dadatkovych taryfaŭ na impart z Kitaja pamieram 50%, kali Piekin nie admienić svaje 34-pracentnyja myty.
Pa słovach Livit, pakolki Kitaj admoviŭsia admianiać svaje myty, to taryfnaja staŭka dla Piekina vyrasła na 50% — z 54% da 104%. Taryfy pa hetaj staŭcy buduć spahaniacca z 9 krasavika.
Kerałajn Livit zajaviła, što Kitaj «robić pamyłku», admaŭlajučysia vieści pieramovy z prezidentam ZŠA Donaldam Trampam pa mytach. Na dumku pres-sakratarki Biełaha doma, Kitaj na samaj spravie «imkniecca vieści pieramovy» z ZŠA pa mytach, ale «nie viedaje jak». Jana adznačyła, što takoha ž mierkavańnia prytrymlivajecca i sam Donald Tramp.
Čytajcie taksama:
Iłan Mask i inšyja pratrampaŭskija miljardery vystupili suprać uviadzieńnia novych mytaŭ
Tramp pahražaje Kitaju novymi hihanckimi mytami, ale azijackija biržy rastuć
U ZŠA patłumačyli, navošta ŭviali handlovyja taryfy na biaźludnyja astravy, dzie žyvuć adny pinhviny
Na rašeńnie Trampa ŭvieści myty suprać usiaho śvietu akazaŭ upłyŭ fejkavy ekśpiert
Za nibyta chaatyčnaj stratehijaj Trampa staić chitry raźlik. Voś čym heta pahražaje inšym narodam