Machlary vyciahnuli z žančyny paŭmiljona rubloŭ, prykinuŭšysia hebistami
Ašukancy pad vyhladam supracoŭnikaŭ KDB vymanili ŭ žycharki Minska paŭmiljona rubloŭ. Jany paviedamili 41-hadovaj žančynie, što jana padazrajecca ŭ finansavańni «ekstremisckaj dziejnaści», paviedamlaje pres-słužba Śledčaha kamiteta.
Pavodle materyjałaŭ spravy, 17 lutaha žančynie ŭ telehramie patelefanavaŭ mužčyna i pradstaviŭsia supracoŭnikam KDB. Joj paviedamili, što pa miescy žycharstva ŭ jaje praviaduć pieratrus i ŭsie vyjaŭlenyja hrošy zabiaruć.
Kab zachavać svaje hrošy, machlar prapanavaŭ ich zadekłaravać. Žančyna adprasiłasia z pracy i pajechała dadomu, kab sabrać valutu. Naźbirałasia ŭ jaje ŭ vyniku suma pamieram niedzie ŭ paŭmiljona rubloŭ u ekvivalencie. Paśla hetaha biełaruska pajechała na sustreču z mužčynam pa paznačanym adrasie, dzie pieradała jamu hrošy.
Paśla pryjezdu dadomu žančyna stała analizavać svaje dziejańni i natknułasia na paviedamleńnie pra ašukancaŭ. Zrazumieŭšy, što addała svaje hrošy im, jana adpraviłasia ŭ milicyju.
Ciapier śledčyja raspačali kryminalnuju spravu pavodle artykuła ab machlarstvie, učynienym u asabliva bujnym pamiery (častka 4 artykuła 209 KK).
Čytajcie taksama:
Minčanka pastaviła kamiery ŭ kvatery maci i tak złaviła machlara
Ašukancy vyciahnuli ŭ minčuka bolš za 20 tysiač rubloŭ i paraili jamu «nie sumavać»
Pilnaja rabotnica banka ŭ Maładziečnie źbierahła hrošy naviednika ad pieravodu machlaram