Urad paekśpierymientuje z pastaŭkami tavaraŭ u dalokija krainy

U Biełarusi da 1 červienia 2025 hoda budzie realizavany piłotny prajekt pa kansalidacyi tavaraŭ dla ich pastaŭki ŭ krainy Afryki, Łacinskaj Amieryki, Paŭdniova-Uschodniaj Azii i Blizkaha Uschodu. Heta praduhledžana pastanovaj Saŭmina ad 25 lutaha 2025 hoda № 113, apublikavanaj na Nacyjanalnym pravavym partale.

Fota ilustracyjnaje

Adkaznym za realizacyju piłotnaha prajekta i kansalidataram zajavak na pieravozku ekspartnych hruzaŭ čyhunačnym transpartam da marskich partoŭ, marskich paromaŭ, partovych terminałaŭ, čyhunačnych stancyj u jakaści hruzaadpraŭščyka vyznačana RUP «Biełmytservis».

Minpramu, Minlashasu, Minsielhascharču, «Biellespapierapramu», «Biełnaftachimu», «Biełdziaržcharčpramu», «Biellehpramu», abłvykankamam, Minharvykankamu daručana sfarmiravać i pradstavić u «Biełmytservis» partyi tavaraŭ dla pastaŭki. Toje ž rekamiendavana zrabić «Biełaruskaj kalijnaj kampanii».

U kančatkovym vyniku Mintrans praanalizuje spravazdaču «Biełmytservisu» ab vykanańni piłotnaha prajekta z adpaviednymi vysnovami i prapanovami i nie paźniej za 10 červienia 2025 hoda prainfarmuje Saŭmin pra vyniki realizacyi piłotnaha prajekta.

Kamientary da artykuła