Dziaržsakratar ZŠA zajaviŭ, što Tramp «vielmi zasmučany praź Zialenskaha»
Dziaržsakratar ZŠA Marka Rubia prakamientavaŭ krytyku prezidenta ZŠA na adras ukrainskaha lidara Uładzimira Zialenskaha, nazvaŭšy jaho niehatyŭnaje staŭleńnie «spraviadlivym».
Donald Tramp. Fota: Andrew Harnik / Getty Images
U intervju žurnalistcy Ketryn Chierydž Rubia zajaviŭ, što «Tramp vielmi zasmučany praz prezidenta Zialenskaha, i heta ŭ niejkaj miery spraviadliva».
«My turbujemsia pra Ukrainu, bo heta maje nastupstvy dla našych sajuźnikaŭ i, urešcie, dla ŭsiaho śvietu. Tut pavinien być niejki ŭzrovień padziaki», — zajaviŭ jon.
Rubia taksama zajaviŭ, što sam jon «byŭ zasmučany», kali Zialenski zajaviŭ, što adchiliŭ pahadnieńnie z ZŠA pa kaštoŭnych mietałach, bo «ŭsio było nie tak».
Razam z tym siońnia paviedamlałasia, što Kijevu pieradadzieny novy prajekt pahadnieńnia pa mietałach.
Taksama dziaržsakratar ZŠA zajaviŭ, što Vašynhtonu nieabchodna padtrymlivać kanał kamunikacyi z Maskvoj, pakolki Rasija zastajecca hłabalnaj dziaržavaj.
«Urešcie, padabajecca nam heta ci nie, ale Rasija — heta dziaržava, hłabalnaja dziaržava. Jany majuć upłyŭ u Siryi, jany ŭciahnutyja ŭ Blizki Uschod, navat u Zachodnim paŭšarji, viadoma ž, u Jeŭropie. Nam nieabchodna mieć niejkuju kamunikacyju ź imi», — skazaŭ jon.
Čytajcie taksama:
«Chłuślivaja istota». U adkaz na słovy Trampa ŭkrainskaje hramadstva zhurtavałasia vakoł Zialenskaha
Tramp nazvaŭ Zialenskaha «dyktataram biez vybaraŭ» i «siarednim pa paśpiachovaści komikam»