Ahient Dudkin z BCHD: Moj ahienturny psieŭdanim — Radzivił

Jaŭhien Dudkin, niadaŭna raskryty ahient KDB z asiarodździa Biełaruskaj chryścijanskaj demakratyi, napisaŭ post u fejsbuku, u jakim paviedamiŭ, jakim byŭ jahony ahienturny psieŭdanim, što ŭvohule cikaviła orhany, a taksama na jakich kankretna asob jon danosiŭ.

Jaŭhien Dudkin, jon ža ahient KDB «Radzivił». Fota: archiŭ Dudkina

Pavodle słoŭ Dudkina, jahony ahienturny psieŭdanim byŭ Radzivił.

Śpiecyjalizacyjaj hetaha ahienta była dastaŭka infarmacyi pra «antydziaržaŭnyja» pramovy ci inšuju padobnuju dziejnaść u Katalickaj carkvie, pra kiraŭnictva Biełaruskaj chryścijanskaj demakratyi i inšych palityčnych arhanizacyj, pra «destruktyŭnuju dziejnaść dziejačaŭ prafsajuza REP, a taksama pra studentaŭ, jakich padazravali ŭ «radykaliźmie ci viarboŭcy zamiežnymi słužbami».

Taksama Dudkin nazvaŭ proźviščy 10 čałaviek, adnosna jakich u jaho cikavilisia supracoŭniki KDB:

Alaksandr Burakoŭ, Ihar Barysaŭ, Uładzimir Šancaŭ, Viktar Makaranka, Ihar Łabkoŭ, Siarhiej Vieramiejenka, Tasija Kabančuk, ksionz Raman Faksiński, Aleh Miacielica i Andrej Bodzileŭ.

Śpis hety, adnak, jak padkreślivaje sam «Radzivił», zusim niapoŭny, bo pieraličyŭ jon tolki tych, chto ciapier na voli i za miažoj. Bolšaść ža ludziej, na jakich jon danosiŭ, zastajucca ŭ Biełarusi.

Jaŭhien Dudkin. Fota: fesbuk-staronka Jaŭhiena Dudkina

Kamientary da artykuła