«Spadar prezident, nie Ukraina pačała hetuju vajnu». Zajavy Trampa ab Ukrainie i jaho kanflikt ź Zialenskim šakavali mnohich respublikancaŭ

Prezident ZŠA Donald Tramp zrabiŭ rezki pavarot u adnosinach z Ukrainaj, abrynuŭšysia ź ciažkimi abvinavačvańniami na Uładzimira Zialenskaha, pry hetym nie skazaŭšy nivodnaha drennaha słova pra Pucina, piša Bild.

Fota: Chip Somodevilla / Getty Images

Hety raptoŭny razvarot u amierykanskaj palitycy vyklikaje supraciŭ navat unutry jaho partyi.

Što kažuć respublikancy?

Kien Adielman, były pasoł ZŠA ŭ AAN, jaki ŭdzielničaŭ u troch sustrečach Rejhana z Harbačovym: «Mianie vanituje ad taho, što adbyvajecca. Zamiest «Źniščycie hetuju ścianu, spadar Harbačoŭ» pry Trampie my bačym «Vy možacie rabić usio, što chočacie, spadar Pucin».

Liz Čejni, eks-kanhresvumien i krytyk Trampa: «Tramp — sa svajoj prychilnaściu Pucinu, razvarotam ad Ukrainy i chłuśnioj pra historyju — heta antyteza ŭsiamu, za što vystupaŭ Ronald Rejhan!»

Bił Krystał, były čynoŭnik administracyi Rejhana i Buša: «NATA i ŭdzieł ZŠA ŭ Jeŭropie zachoŭvajuć mir užo 80 hadoŭ. Durnoje i biezrazvažnaje rašeńnie stavić heta pad pahrozu. I dziela čaho? Kab spadabacca Pucinu?»

Majk Piens, były vice-prezident Trampa, u X (Twitter): «Spadar prezident, nie Ukraina pačała hetuju vajnu. Rasija raspačała niespravakavanaje i žorstkaje ŭvarvańnie, jakoje zabrała sotni tysiač žyćciaŭ. Daroha da miru pavinna hruntavacca na praŭdzie».

Džon Bołtan, były daradca Trampa: «Tramp užo kapitulavaŭ pierad Pucinym padčas mirnych pieramovaŭ…»

Respublikancy, jakija pamiatajuć palityku Rejhana i kaniec Chałodnaj vajny, asudžajuć kurs Trampa, jaki moža padarvać transatłantyčny aljans, što isnuje ŭžo 75 hadoŭ.

Kamientary da artykuła