Pres-sakratarka Łukašenki prakamientavała vyzvaleńnie Biełaruśsiu amierykanca
«My addajom pieravahu ŭ hetych pytańniach kanfidencyjnaści».
Natalla Ejsmant. Fota: Valeriy Sharifulin Sputnik Kremlin Pool Photo via AP
Pres-sakratarka Łukašenki Natalla Ejsmant prakamientavała vyzvaleńnie amierykanca i palitviaźniaŭ.
«Niadaŭniaje vyzvaleńnie Biełaruśsiu hramadzianina ZŠA — nie adzinaja takaja prośba novaj administracyi ŭ Vašynhtonie», — zajaviła jana TASS.
Pavodle jaje słoŭ, takija prośby [ab vyzvaleńni] pastupali i pastupajuć.
«My addajom pieravahu ŭ hetych pytańniach kanfidencyjnaści. Usia infarmacyja ab detalach — u Dziarždepie ZŠA i ŭ Biełym domie», — prakamientavała jana niadaŭniaje vyzvaleńnie Biełaruśsiu traich źniavolenych, uklučajučy hramadzianina ZŠA.
Nahadajem, što ŭčora stała viadoma pra vyzvaleńnie žurnalista Radyjo Svabody Andreja Kuźniečyka, Aleny Maŭšuk, a taksama hramadzianina ZŠA, jaki pažadaŭ nie nazyvać svajo imia. Viadoma tolki, što heta nie advakat Juraś Ziankovič. Da Ziankoviča, jak piša Reuters sa spasyłkaj na svaju krynicu, 5 studzienia ŭpieršyniu puścili amierykanskich dypłamataŭ, jakija bazujucca ŭ Litvie.
Dziarždep ZŠA zaklikaŭ vyzvalić usich palitviaźniaŭ u Biełarusi.
Čytajcie taksama:
Vyzvaleny ŭ Biełarusi amierykaniec — nie advakat Juraś Ziankovič
Dziarždep ZŠA zaklikaŭ vyzvalić usich palitviaźniaŭ u Biełarusi