Samy darahi katedž Biełarusi kaštuje $8 miljonaŭ i znachodzicca ŭ sadovym tavarystvie «Malinka» ŠMAT FOTA

Interjer u pałacavym styli ź italjanskaj meblaj. Na ŭčastku aŭtarski łandšaftny dyzajn i ŭłasnaja sažałka. Uražvajuć jak interjery, tak i košt.

Tut i dalej fota: realt.by

Elitny katedž, ci, jak paznačana ŭ abviestcy ab prodažy, ekskluziŭny zaharadny dom, pradajecca ŭ sadovym tavarystvie «Malinka» za 15 kiłamietraŭ ad Minska. Jon adnosicca da Kałodziščanskaha sielsavieta.

Dom pabudavany ŭ 2020 hodzie i maje ahulnuju płošču 1076 kvadratnych mietraŭ.

Interjer u pałacavym styli dapoŭnieny darahoj italjanskaj meblaj i lampami. U azdableńni pakojaŭ prysutničaje marmur i hranit. Usio padkreślivaje raskošu.

Leśvica viadzie z haścinaj na halereju i druhi pavierch.

Na pieršym paviersie taksama raźmieščany dźvie harderobnyja i dva sanvuzły, spalnia, stałovaja, kabiniet.

A taksama kuchnia (18 kv.m), ukamplektavanaja technikaj premijalnych niamieckich (Gaggenau) i francuzskich brendaŭ (Lacanche).

Jašče adna spalnia z sanvuzłom znachodzicca na druhim paviersie.

Učastak maleńki — usiaho 12 sotak. Ale na im realizavany «aŭtarski łandšaftny prajekt z ułasnaj sažałkaj i architekturnymi formami».

Vada na ŭčastku z ułasnaj śvidraviny. Kanalizacyja — miascovaja. Dla aciapleńnia vykarystoŭvajecca haz. 

Za ŭsiu hetuju raskošu prosiać $8 miljonaŭ, ale hatovyja abmiarkoŭvać košt. Pačatkova katedž byŭ vystaŭleny za $9 miljonaŭ, ale za pieršy ž miesiac elitnaje žyllo istotna patańnieła.

Kamientary da artykuła