Iryna Leŭšyna zajaviła, što zastaniecca ŭ Biełarusi
Byłaja dyrektarka i redaktarka infarmacyjnaj kampanii BiełaPAN Iryna Leŭšyna paviedamiła na svajoj staroncy ŭ fejsbuku, što paśla vyzvaleńnia nie źbirajecca vyjazdžać z krainy.
Iryna Leŭšyna
«7 śniežnia ja ščaśliva pakinuła VK-4, adbyŭšy za kratami 3 hady 3 miesiacy i 3 tydni. Pakolki ja maju namier zastavacca ŭ Biełarusi, usialakija kamientary z majho boku, jak vy razumiejecie, niemahčymyja», — napisała Leŭšyna.
Pa słovach žurnalistki, sa zdaroŭjem i nastrojem u jaje «ŭsio ŭ paradku».
«Pryvykaju da svabody, da ščaścia być pobač z rodnymi, da narmalnaha žyćcia. Dziakuj usim, chto chvalavaŭsia za mianie ŭvieś hety čas, ja adčuvała vašu padtrymku na adlehłaści», — padkreśliła jana.
Leŭšyna całkam adbyła termin źniavoleńnia. Jana była zatrymanaja 18 žniŭnia 2021 hoda.
Čytajcie taksama:
Na svabodu vyjšła byłaja hałoŭnaja redaktarka BiełaPAN Iryna Leŭšyna