Bašar Asad šukaje kantaktaŭ z ZŠA dla atrymańnia harantyj biaśpieki — Bloomberg

Bašar Asad sihnalizuje ZŠA pra hatoŭnaść dasiahnuć pahadnieńnia, jakoje dazvolić jamu ŭtrymać terytoryju, kantralavanuju jahonaj armijaj, ci harantavać jamu biaśpiečny ŭcioki. Pra heta paviedamlaje Bloomberg sa spasyłkaj na svaje krynicy ŭ Siryi.

Fota: AP Photo/Ghaith Alsayed

Krynicy śćviardžajuć, što adna z prapanoŭ, jakuju Asad zrabiŭ ZŠA praz Abjadnanyja Arabskija Emiraty, zaklučajecca ŭ tym, kab Siryja spyniła ŭsialakaje supracoŭnictva z prairanskimi vajenizavanymi hrupoŭkami kštałtu «Chiezbały», kali zachodnija dziaržavy akažuć upłyŭ, kab spynić bajavyja dziejańni.

Taksama Asad nibyta adpraviŭ vysokapastaŭlenaha chryścijanskaha lidara na sustreču z prezidentam Vienhryi Viktaram Orbanam, kab paviedamić pra ekzistencyjnuju pahrozu dla chryścijanskaj mienšaści Siryi ŭ vypadku pieramohi isłamistaŭ. Viktar Orban musiŭ by davieści hetuju infarmacyju da abranaha prezidenta ZŠA Donalda Trampa, ź jakim u jaho dobryja stasunki.

Raniej CNN paviedamiŭ, što siryjski lidar nibyta źnik sa stalicy, jaho nie mohuć znajści.

Miž tym apazicyjnyja paŭstancy, jakija zmahajucca ź viernymi Asadu vojskami, užo znachodziacca na ŭskrainach Damaska. 

Kamientary da artykuła