Башар Асад шукае кантактаў з ЗША для атрымання гарантый бяспекі — Bloomberg

Башар Асад сігналізуе ЗША пра гатоўнасць дасягнуць пагаднення, якое дазволіць яму ўтрымаць тэрыторыю, кантраляваную ягонай арміяй, ці гарантаваць яму бяспечны ўцёкі. Пра гэта паведамляе Bloomberg са спасылкай на свае крыніцы ў Сірыі.

Фота: AP Photo/Ghaith Alsayed

Крыніцы сцвярджаюць, што адна з прапаноў, якую Асад зрабіў ЗША праз Аб'яднаныя Арабскія Эміраты, заключаецца ў тым, каб Сірыя спыніла ўсялякае супрацоўніцтва з праіранскімі ваенізаванымі групоўкамі кшталту «Хезбалы», калі заходнія дзяржавы акажуць уплыў, каб спыніць баявыя дзеянні.

Таксама Асад нібыта адправіў высокапастаўленага хрысціянскага лідара на сустрэчу з прэзідэнтам Венгрыі Віктарам Орбанам, каб паведаміць пра экзістэнцыйную пагрозу для хрысціянскай меншасці Сірыі ў выпадку перамогі ісламістаў. Віктар Орбан мусіў бы давесці гэтую інфармацыю да абранага прэзідэнта ЗША Дональда Трампа, з якім у яго добрыя стасункі.

Раней CNN паведаміў, што сірыйскі лідар нібыта знік са сталіцы, яго не могуць знайсці.

Між тым апазіцыйныя паўстанцы, якія змагаюцца з вернымі Асаду войскамі, ужо знаходзяцца на ўскраінах Дамаска. 

Каментары да артыкула