U Maładziečnie čałaviek dvojčy prynios u kramu zamiest rubloŭ «dubli». I ŭ jaho atrymałasia

U Maładziečnie miascovy žychar dvojčy raźličyŭsia z pradaŭcom handlovaha kijoska suvienirnymi kupiurami. Pradavačka zaŭvažyła svaju pamyłku tolki ŭviečary, paviedamlaje UUS Minabłvykankama.

Hrašovyja kupiury, jakija pradavačka pa niaŭvažlivaści prymała, mała taho što byli zroblenyja na nieadpaviednaj papiery, dyk na ich było i napisana zamiest «rubloŭ» «dubloŭ». 

Takija dziejańni z boku čałavieka, jaki płaciŭ hetkimi kupiurami, kvalifikujucca jak machlarstva: zavałodańnie majomaściu albo nabyćcio prava na majomaść šlacham padmanu abo złoŭžyvańni davieram. Pa hetym fakcie ŭ maładziečanskaj milicyi ciapier pravodziać pravierku. 

Kamientary da artykuła