Johurtny ci kiefirny chaładnik z ahurkami — z bałharskimi notkami

Recept, jaki prydasca ŭ letni siezon.

Fota: Freepik

Kab pryhatavać sup z ahurkami i hreckimi arechami z bałharskimi notkami, spatrebicca:

• 2-4 ačyščanyja zubki časnaku
• sol pa smaku
• 2 šklanki hustoha prostaha johurtu (možna hrečaskaha) ci kiefiru
• 2 stałovyja łyžki aleju, najlepš kali aliŭkavaha
• 2 kubki pačyščanych hreckich arechaŭ, drobna narezanych
• 1 doŭhi ahurok abo 3 maleńkija, narezanyja drobnymi kubikami
• 1 šklanka ledzianoj vady, kali mahčyma — kryničnaj
• 2 łyžki limonnaha soku
• śviežamołaty pierac

Dla harniru:

• kubiki lodu (pa žadańni)
• drobna narezanyja hreckija arechi
• alej
• drobna narezany śviežy krop abo miata

Jak hatavać:

1. Pakładzicie časnok u stupku z ½ čajnaj łyžki soli i razamnicie da stanu pasty.
2. Źmiaścicie johurt u misu. Dadajcie alej, časnok i hreckija arechi. Uźbicie viencam vadu i limonny sok. Dadajcie sol i śviežamołaty pierac pa smaku. Astudzicie na praciahu hadziny abo daŭžej.
3. Tym časam źlohku prypraŭcie ahurki sollu i dajcie ściačy vadzie ŭ drušlaku na 15 chvilin. Dadajcie da johurtavaj sumiesi i pieramiašajcie.
4. Kali majecie žadańnie, pakładzicie ŭ kožnuju misku pa kubiku lodu i raźlicie sup. Źvierchu pasypcie zdrobnienymi hreckimi arechami, pry žadańni apyrskajcie alejem i pasypcie kropam abo miataj.

Kamientary da artykuła