«U kabinie ciahnika abraziŭ Łukašenku». Mašynist elektryčki atrymaŭ dva hady «chimii» za kamientary ŭ telehramie
U sudzie Staŭbcoŭskaha rajona asudzili Dzianisa Nosava pavodle č. 1 art. 368 (abraza Łukašenki). Sudździa Taćciana Siemiankievič pryznačyła Dzianisu dva hady abmiežavańnia voli («chimii»).
Žychara pasiołka Novy Śvieržań abvinavacili ŭ tym, što jon, znachodziačysia na pracoŭnym miescy ŭ kabinie pryharadnaj elektryčki, napisaŭ pad publikacyjaj u telehram-kanale kamientar u bok Łukašenki, jaki sud paličyŭ abraźlivym, piša «Viasna».
Padčas pracesu apytali śviedku, pamočnika mašynista, jaki paviedamiŭ, što Dzianis Nosaŭ nie paviedamlaŭ jamu pra napisany kamientar.
Paśla abviaščeńnia prysudu mužčynu vyzvalili ŭ zale suda. U jaho kanfiskavali telefon «jak srodak ździajśnieńnia złačynstva».
Dzianis Siemiankievič maje siarednie-śpiecyjalnuju adukacyju i pracuje mašynistam elektraciahnika rehijanalnych linij u Minsku.
Čytajcie taksama:
Ryhor Kastusioŭ skardzicca na zdaroŭje ŭ turmie: «Apošnija dva miesiacy byli ciažkija»
Sudździoj Viarchoŭnaha suda stała Dzina Kučuk. Na jaje rachunku pa 10 hadoŭ Kaściuhovaj i Kuzinaj
Viciebski sud zavočna asudziŭ biełarusku, jakaja daŭno ŭžo žyvie za miažoj