Pamior były vakalist Smash Mouth Styŭ Charveł
Były lidar amierykanskaha rok-hurta Smash Mouth Styŭ Charveł pamior va ŭzroście 56 hadoŭ, paviedamlaje The New York Times. Pa słovach mieniedžara hrupy Robierta Chiejsa, muzyka pamior 4 vieraśnia ŭ svaim domie ŭ štacie Ajdacha.
Styŭ Charveł. Fota: Amy Harris / Invision/AP
Charveł byŭ adnym z zasnavalnikaŭ Smash Mouth. Za svaju karjeru hurt vypuściŭ siem studyjnych albomaŭ. Najbolšuju papularnaść jamu pryniesła płaścinka Astro Lounge 1999 hoda z chitom All Star. Hetaja kampazicyja hučała ŭ saŭndtreku multfilma «Šrek».
Siarod inšych chitoŭ hurta — Walking in The Sun, a taksama kavier-viersii Can't Get Enough Of You Baby, Why Can't We Be Friends i I'm Believer.
Charveł pakinuŭ Smash Mouth u 2021 hodzie pa stanie zdaroŭja. Hurt praciahvaje vystupać z novym vakalistam Zakam Hudam.
Siońnia my pisali, što ŭ 56-hadovaha artysta apošniaja stadyja chvaroby, źviazanaja ź piačonačnaj niedastatkovaściu. Praz zachvorvańnie Charvełu zastavałasia žyć «tydzień abo kala taho».
Čytajcie taksama:
Biełaruskaja aktrysa ź sieryjała «Kamienskaja» pamierła ŭ Kanach