U Mahilovie vyratavali maci i dačku, jakija pakinuli balnicu paśla vypiski. Jany čaćviora sutak praviali ŭ lesie bieź ježy i vady
U minułuju niadzielu ŭ milicyju pastupiła paviedamleńnie ad mahiloŭca: jaho 39-hadovaja žonka i 3-hadovaja dačka vyjšli z abłasnoj balnicy paśla vypiski i źnikli. Situacyju ŭskładniała toje, što žančyna — invalid, jana drenna aryjentujecca na miascovaści.
Skrynšot videa MUS
Z dapamohaj śviedak i kamier videanazirańnia ŭdałosia vyznačyć prykładny maršrut ruchu źnikłych. Vyśvietlili, što jany nakiravalisia za horad. Da taho ž u milicyju źviarnuŭsia śviedka, jaki sustreŭ u lesie padobnych pa prykmietach žančynu i dziaŭčynku, paviedamlaje pres-słužba MUS.
Na pošuki skiravalisia rabotniki troch RAUS, taksama supracoŭniki MNS, pošukava-vyratavalny atrad «Fieniks» i miascovyja žychary.
U čaćvier bližej da viečara z dapamohaj kvadrakoptara maci ź dziciem znajšli ŭ lasnym masivie niedaloka ad Dniapra ŭ źniasilenym stanie. Jak vyśvietliłasia, amal čaćviora sutak jany znachodzilisia bieź ježy i vady.
Žančyna i jaje dačka špitalizavanyja, pahrozy ich žyćciu i zdaroŭju niama.
Čytajcie taksama:
U Dziaržynskaj balnicy pamierła adnahadovaje dzicia. Zaviedziena kryminalnaja sprava
U Kalinkavičach 20-hadovaja dziaŭčyna zahinuła, prymajučy duš