У Магілёве выратавалі маці і дачку, якія пакінулі бальніцу пасля выпіскі. Яны чацвёра сутак правялі ў лесе без ежы і вады
У мінулую нядзелю ў міліцыю паступіла паведамленне ад магілёўца: яго 39-гадовая жонка і 3-гадовая дачка выйшлі з абласной бальніцы пасля выпіскі і зніклі. Сітуацыю ўскладняла тое, што жанчына — інвалід, яна дрэнна арыентуецца на мясцовасці.
Скрыншот відэа МУС
З дапамогай сведак і камер відэаназірання ўдалося вызначыць прыкладны маршрут руху зніклых. Высветлілі, што яны накіраваліся за горад. Да таго ж у міліцыю звярнуўся сведка, які сустрэў у лесе падобных па прыкметах жанчыну і дзяўчынку, паведамляе прэс-служба МУС.
На пошукі скіраваліся работнікі трох РАУС, таксама супрацоўнікі МНС, пошукава-выратавальны атрад «Фенікс» і мясцовыя жыхары.
У чацвер бліжэй да вечара з дапамогай квадракоптара маці з дзіцем знайшлі ў лясным масіве недалёка ад Дняпра ў знясіленым стане. Як высветлілася, амаль чацвёра сутак яны знаходзіліся без ежы і вады.
Жанчына і яе дачка шпіталізаваныя, пагрозы іх жыццю і здароўю няма.
Чытайце таксама:
У Дзяржынскай бальніцы памерла аднагадовае дзіця. Заведзена крымінальная справа
У Калінкавічах 20-гадовая дзяўчына загінула, прымаючы душ
У Гомельскім раёне на 15-гадовага падлетка рухнула жалезабетонная перагародка. Хлопец загінуў