Pakul adziny chłopiec, jaki nabraŭ 400 bałaŭ na sioletnim CT, žyvie ŭ Navapołacku
Mark Mackievič z Navapołacka nabraŭ maksimalnyja 400 bałaŭ na centralizavanym teściravańni. Pakul jon adziny viadomy chłopiec z takim pakazčykam va ŭsioj Biełarusi, pišuć «Vitiebskije viesti». Try inšyja abituryjenty, jakija sioleta pakazali maksimalny vynik — dziaŭčaty.
Mark skončyŭ 12-ju navapołackuju škołu. Jon nabraŭ maksimalnyja bały na CT pa ruskaj movie i matematycy. Taksama ŭ jaho najvyšejšy bał u atestacie i aŭtamatyčnyja 100 bałaŭ pa fizicy, bo jon maje pa hetym pradmiecie dypłom respublikanskaj alimpijady.
«Pa kožnym pradmiecie ja rychtavaŭsia razam sa školnymi nastaŭnikami i samastojna, repietytaraŭ u mianie nikoli nie było, — raskazaŭ Mark. — Daviedaŭšysia svaje vyniki, ja ŭ pieršuju čarhu padzialiŭsia radaściu sa svaimi nastaŭnikami».
Mark zachaplajecca prahramavańniem, źjaŭlajecca vypusknikom dźviuch źmien Nacyjanalnaha dziciačaha technaparku, a pastupać płanuje na fakultet prykładnoj matematyki i infarmatyki ŭ BDU.
Raniej stała viadoma, što maksimalnyja 400 bałaŭ na teściravańni nabrali Palina Dyčak ź Lidy, Volha Druščyc z Žabinkaŭskaha rajona i Milena Vaśko z Mazyra.
Čytajcie taksama:
Rektar Połackaha ŭniviersiteta pryznaŭ, što bolšaść vykładčykaŭ u 2020-m padtrymali pratesty