BIEŁ Ł RUS

Va ŭciečkach ZŠA raskryvajecca infarmacyja ab mierkavanych arhanizatarach zabojstva Darji Duhinaj

25.04.2023 / 21:16

Nashaniva.com

«Hety napad moh pryvieści da žorstkaha adkazu Rasii».

Fota: AP

Va ŭčorašnich uciečkach sakretnych dakumientaŭ ZŠA, apublikavanych vydańniem The Washington Post, źmiaščalisia źviestki ab hibieli Darji Duhinaj minułym letam. 

Pavodle źlitych dakumientaŭ, da vybuchu aŭtamabila z Darjaj Duhinaj moža być datyčna ŭkrainskaja vyviedka, jakaja dziejničała pa zahadzie ŭradu.

«Paśla taho, jak u žniŭni pad Maskvoj z-za vybuchu zaminiravanaha aŭtamabila była zabita Darja Duhina, choć sam napad płanavaŭsia na jaje baćku, zachodnija čynoŭniki paviedamili Zialenskamu, što ŭ ich jość apieratyŭnyja źviestki ab datyčnaści jaho ŭrada da dadzienaj akcyi», — napisaŭ The Washington Post sa spasyłkaj na sakretnuju ŭciečku Pientahona.

Zachodnija krainy, pavodle dakumienta, nazvali hety napad «pravakacyjaj, jakaja mahła vyklikać žorstkuju reakcyju z boku Rasii». Baćka zahinułaj žančyny Alaksandr Duhin źjaŭlajecca adnym z hałoŭnych ideołahaŭ «ruskaha śvietu», jaki admaŭlaje ideju isnavańnia Ukrainy i inšych nacyjanalnych dziaržaŭ na postsavieckaj prastory nie pad ŭładaj Rasii.

Sama Ukraina abviarhaje svoj udzieł u zabojstvie Duhinaj.

Čytajcie taksama:

«Budzie Impierskim Štatam. A taksama tazy». Łukašenka sustreŭsia z Duhinym. Zhadvajem, što toj kazaŭ pra Biełaruś

«Usich zabjom, kaho treba, abrabujem. Z Boham». Chto taki Uładlen Tatarski, jakoha padarvali ŭ picierskaj kaviarni

Ukraina źbirałasia napaści na rasijskija vojski ŭ Siryi — WP

Čytajcie taksama:

Kamientary da artykuła