Sud nad byłym dyrektaram biełaruskamoŭnaj himnazii №4 pačniecca 11 listapada
Kryminalnuju spravu ŭ dačynieńni da dyrektara minskaj himnazii, jaki abvinavačvajecca ŭ atrymańni chabaru, sud Frunzienskaha rajona pačnie słuchać 11 listapada.
Pra heta BiełaPAN paviedamiła pamočnik staršyni Minskaha haradskoha suda Nastaśsia Šylvian.
Nahadajem, abvinavačany — były dyrektar biełaruskamoŭnaj himnazii №4 Minska Juryj Bandarenka. Jamu inkryminujecca ździajśnieńnie złačynstva, praduhledžanaha č. 1 art. 430 KK (atrymańnie chabaru).
Dyrektar ustanovy adukacyi abvinavačvajecca ŭ tym, što 18 žniŭnia ŭ svaim słužbovym kabiniecie za pryniaćcie rašeńnia ab zaličeńni dziciaci ŭ piaty kłas himnazii pryniaŭ dla siabie asabista ad jaho baćki 500 dalaraŭ ZŠA.
Papiaredniaje śledstva pa kryminalnaj spravie pravodziłasia ŭpraŭleńniem Śledčaha kamiteta pa Minsku.