Premjer Ukrainy zadekłaravaŭ dva miljony dalaraŭ najaŭnymi
Šmat cikavaha daviedałasia Ukraina, paśla taho jak pad ciskam zachodnich kredytoraŭ było ŭviedzienaje abaviazkovaje i publičnaje dekłaravańnie dachodaŭ i majomaści dziaržaŭnymi čynoŭnikami i deputatami.
Adnoj z samych bahatych asob Ukrainy akazaŭsia prezident Piatro Parašenka.
Cikavaść była pryciahnuta i da majomaści byłoha premjer-ministra krainy Julii Cimašenka. Jana nie maje majomaści, zatoje jaje muž…
Dekłaracyi taksama vyjavili, nakolki ludzi nie daviarajuć hryŭni i ŭkrainskaj finansavaj sistemie. Tak, naprykład, kiraŭnica Nacyjanalnaha banka Valeryja Hontarava, u minułym inviestycyjnaja bankirka, zadekłaravała bankaŭskija depazity na $1,8 młn, tady jak u hryŭniach jana trymaje tolki ekvivalent 2500 dalaraŭ.
Inšym zachaplalnym momantam dekłaracyj staŭ pamier bahaćcia najaŭnymi, krynicy jakich najciažej adsačyć. U palityka-papulista Aleha Laško z žonkaj jano pieravyšaje miljon dalaraŭ.
Jašče bolšyja hrošy ŭ siejfie ci słoikach trymaje premjer-ministr Ukrainy 38-hadovy Uładzimir Hrojsman.
Uładzimir Hrojsman, fota ź Vikipiedyi.
Razam z žonkaj jany zadekłaravali najaŭnaść 2,3 miljona hryŭniaŭ u bankach (heta prykładna 100 tysiač dalaraŭ), zatoje hatoŭkaj u ich lažyć $1,2 miljona, 460 tysiač jeŭra i amal 4 miljony hryvień.
Hrojsman — syn ułaśnika rynka ź Vińnicy, jaki ŭ 2006 hodzie, u 28 hadoŭ, staŭ meram horada. U 2014 hodzie Piatro Parašenka zabraŭ paśpiachovaha rehijanalnaha lidara va ŭrad, a ŭ 2016-m zrabiŭ premjeram. Tym nie mienš, zastajecca zahadkaj, jak čałaviek na municypalnaj i dziaržaŭnaj słužbie moža naźbirać miljonnaje bahaćcie ŭ krainie, dzie siaredni zarobak roŭny 200 dalaraŭ za miesiac.
Na dumku antykarupcyjnaha žurnalista i deputata Mustafy Najema, patrabavańnie dekłaracyj — častka pazityŭnaha pracesu, jaki pryviadzie da pastupovaha samaačyščeńnia ŭkrainskaha palityčnaha arhanizma.
Inšy papularny žurnalist i deputat Siarhiej Leščanka krytykuje Piatra Parašenku.
Časam nie viedaješ, płakać ci śmiajacca z dekłaracyj ukrainskich palitykaŭ. Tak, adzin ź dziejačoŭ papulisckaj Radykalnaj partyi ŭsie apošnija hady mieŭ dachody pamieram 2—4 tysiačy dalaraŭ. Pry hetym jon zadekłaravaŭ prykładna 245 tysiač dalaraŭ najaŭnymi, kalekcyju starych abrazoŭ, chałodnaj zbroi i navat kryž-enkałpijon CHIII stahodździa sa śviatymi moščami.
Ukrainskaja palityka — śviata žyćcia. Pry hetym kraina za 25 hadoŭ apuściłasia na 2-je miesca źnizu ŭ Jeŭropie pa pamiery VUP na dušu nasielnictva.