Ełan Mask praviadzie honki transpartnych kapsuł
Honki majuć pravodzicca biez udziełu realnych pasažyraŭ.
Kaśmičnaja kampanija Ełana Maska SpaceX abviaściła konkurs na stvareńnie madeli pasažyrskaj kapsuły dla sistemy Hyperloop.
Niezaležnym inžynieram i studentam prapanavana skanstrujavać i sabrać u pałavinnym pamiery kapsuły dla transpartnaj sistemy budučyni. U finale ŭ červieni 2016 hoda na testavym treku kapsuły paspaborničajuć u chutkaści.
Prajektnyja ŭmovy buduć pradstaŭlenyja ŭ žniŭni. U studzieni 2016 hoda najbolš pierśpiektyŭnyja prajekty buduć abranyja dla vyprabavańniaŭ na pałutarakiłamietrovym testavym treku ŭ Kalifornii (ZŠA).
***
Vysokachutkasny ciahnik-«trubapravod» Hyperloop, prydumany stvaralnikam SpaceX i Tesla Ełanam Maskam, maje być pratestavanym u realnym śviecie ŭžo ŭ 2016 hodzie. Jaho vykarystańnie płanujecca zrabić biaspłatnym u nienahružanyja hadziny.
Kapsuły Hyperloop majuć razhaniacca da chutkaściej 1000-1200 km/h. Jany buduć ruchacca na pavietranaj padušcy ŭ hiermietyčnych trubach ź nizkim ciskam. Sistema ŭ teoryi maje być taniejšaj za sučasnyja zvyšchutkasnyja ciahniki na mahnitnych paduškach.