Лукашэнка прызначыў новых вайсковых начальнікаў
Аляксандр Лукашэнка 14 кастрычніка падпісаў указы аб кадравых зменах у кіраўніцтве Міністэрства абароны і Узброеных сіл Беларусі.
Вадзім Сураў
Генерал-маёр Вадзім Сураў прызначаны намеснікам міністра абароны. Да гэтага ён камандаваў войскамі Заходняга аператыўнага камандавання.
Генерал-маёр Уладзімір Купрыянюк стаў першым намеснікам начальніка Генеральнага штаба Узброеных сіл. Раней ён займаў пасаду начальніка Галоўнага разведвальнага ўпраўлення — намесніка начальніка Генштаба. Яго месца ў разведвальным упраўленні заняў палкоўнік Аляксей Хузяхметаў.
Галоўную вайсковую інспекцыю Узброеных сіл узначаліў палкоўнік Сяргей Томчык.
Палкоўнік Андрэй Фалынскаў прызначаны першым намеснікам начальніка ўзбраення Узброеных сіл — начальнікам штаба ўзбраення.
Акрамя таго, генерал-маёр міліцыі Сяргей Дарошка звольнены са службы ў органах унутраных спраў паводле ўзросту. Пры гэтым яму дазволена і надалей насіць устаноўленую форму адзення і знакі адрознення.
Чытайце таксама:
МЗС Беларусі назваў план НАТА на выпадак расійскага нападу падрыхтоўкай да агрэсіі
У Беларусь сталі прыбываць удзельнікі вучэнняў АДКБ
Завяршыліся зборы прызваных у войска нядбайных работнікаў АПК
Коля пайшоў у армію, але куды? Вось дзе служылі Віктар і Дзмітрый Лукашэнкі