У гістарычным цэнтры Гродна выставілі на продаж папулярную кавярню
Папулярную гродзенскую кавярню «1128», размешчаную на вуліцы Вялікай Траецкай у гістарычным цэнтры горада, выставілі на продаж. За ўстанову просяць каля 368 тысяч рублёў, піша Office Life.
Фота: b4y.by
Кавярня займае памяшканне плошчай 160 квадратных метраў у будынку, пабудаваным у 2021 годзе. Канцэпцыя ўстановы — даніна павагі Гродну, яго стойкасці і прыгажосці. Гэта адлюстравана ў інтэр’еры, а ў меню пераважаюць стравы беларускай кухні.
Патэнцыйнаму пакупніку прапануюць дзейны рэстаран з неабходным абсталяваннем, сфармаванай камандай і наладжанымі бізнэс-працэсамі. Сярод пераваг таксама называюць магчымасць абсталяваць дадатковую летнюю тэрасу на 60 пасадачных месцаў без выдаткаў на арэнду зямлі.
Чытайце таксама:
Пасля 14‑ці гадоў працы ў цэнтры Мінска закрываецца бар «Бяссонніца»
«Альбо гарэлая, альбо сухая». Беларусы крытыкуюць бульбу фры ў «Мак.бай»