U histaryčnym centry Hrodna vystavili na prodaž papularnuju kaviarniu
Papularnuju hrodzienskuju kaviarniu «1128», raźmieščanuju na vulicy Vialikaj Trajeckaj u histaryčnym centry horada, vystavili na prodaž. Za ŭstanovu prosiać kala 368 tysiač rubloŭ, piša Office Life.
Fota: b4y.by
Kaviarnia zajmaje pamiaškańnie płoščaj 160 kvadratnych mietraŭ u budynku, pabudavanym u 2021 hodzie. Kancepcyja ŭstanovy — danina pavahi Hrodnu, jaho stojkaści i pryhažości. Heta adlustravana ŭ interjery, a ŭ mieniu pieravažajuć stravy biełaruskaj kuchni.
Patencyjnamu pakupniku prapanujuć dziejny restaran ź nieabchodnym abstalavańniem, sfarmavanaj kamandaj i naładžanymi biznes-pracesami. Siarod pieravah taksama nazyvajuć mahčymaść abstalavać dadatkovuju letniuju terasu na 60 pasadačnych miescaŭ biez vydatkaŭ na arendu ziamli.
Čytajcie taksama:
Paśla 14‑ci hadoŭ pracy ŭ centry Minska zakryvajecca bar «Biassońnica»
«Albo harełaja, albo suchaja». Biełarusy krytykujuć bulbu fry ŭ «Mak.baj»