Стала вядома, якой краіне перадаваў інфармацыю былы кіраўнік нямецкай разведкі
Аўгуст Ханінг, былы кіраўнік Федэральнай разведвальнай службы Германіі, якога называюць адным з фігурантаў найгучнейшага шпіёнскага скандалу ў Еўропе XXI стагоддзя, 6 кастрычніка быў затрыманы па падазрэнні ў супрацоўніцтве з замежнымі спецслужбамі і дзяржаўнай здрадзе. Як паведамляе часопіс Der Spiegel, Ханінг перадаваў аналітычныя матэрыялы, падрыхтаваныя на аснове сакрэтнай разведвальнай інфармацыі, у Азербайджан.
Аўгуст Ханінг
Вядома, што Аўгуст Ханінг уваходзіў у кіраўніцтва грамадскай арганізацыі і лабісцкага аб’яднання «Нямецка-азербайджанскі форум», якое займаецца прасоўваннем двухбаковых праектаў і, як сцвярджаецца ў публікацыі, служыць адным з інструментаў уплыву Баку на нямецкую палітыку.
Ханінг узначальваў Федэральную разведвальную службу Германіі з 1998 па 2005 год. Пасля сыходу з дзяржаўнай службы ў 2010 годзе ён галоўным чынам займаўся кансультаваннем па пытаннях палітыкі і бяспекі.
Следства мяркуе, што з дапамогай свайго былога падначаленага Манфрэда Д., які працягваў працаваць у службе да 2022 года, Ханінг атрымаў доступ да прыкладна 2000 сакрэтных разведвальных дакументаў. Сярод іх былі, у прыватнасці, штотыднёвыя справаздачы, якія тычыліся розных міжнародных пытанняў, у тым ліку сітуацыі ў Расіі, дзе нямецкая разведка традыцыйна мае важныя крыніцы інфармацыі.
Чытайце таксама:
Былы кіраўнік нямецкай разведкі арыштаваны па падазрэнні ў шпіянажы
«Рыхтуюцца новыя справы». Як адбываюць 15‑гадовыя тэрміны былыя маёры КДБ Акінчыцы
Вынеслі прысуд бармену-беларусу, які планаваў падпал склада ў Польшчы
Аліеў пасля зняцця санкцый з Усманава памілаваў асуджанага за шпіянаж француза