Такаеў звольніў міністра абароны пасля гібелі 14 вайскоўцаў на вучэннях
Прэзідэнт Казахстана Касым-Жамарт Такаеў вызваліў Даўрэна Касанава ад пасады міністра абароны. Рашэнне прынята пасля трагедыі падчас вучэнняў у Каспійскім моры, дзе загінулі 14 вайскоўцаў.
«Указам кіраўніка дзяржавы Касанаў Даўрэн Жуматавіч вызвалены ад пасады міністра абароны Рэспублікі Казахстан», — паведаміла прэс-служба прэзідэнта Казахстана 27 верасня. Афіцыйна прычына адстаўкі ў прэзідэнцкім указе не называецца.
Даўрэн Касанаў узначальваў Міністэрства абароны з чэрвеня 2025 года. 3 верасня 2026 года ён быў паўторна прызначаны на гэтую пасаду.
Трагедыя адбылася 24 верасня падчас вайсковых вучэнняў. Тады 17 вайскоўцаў знесла ў Каспійскае мора. Траіх удалося выратаваць, 14 загінулі.
Генеральная пракуратура распачала крымінальную справу паводле двух артыкулаў, пяцёра службовых асоб Міністэрства абароны затрыманыя.