Takajeŭ zvolniŭ ministra abarony paśla hibieli 14 vajskoŭcaŭ na vučeńniach
Prezident Kazachstana Kasym-Žamart Takajeŭ vyzvaliŭ Daŭrena Kasanava ad pasady ministra abarony. Rašeńnie pryniata paśla trahiedyi padčas vučeńniaŭ u Kaśpijskim mory, dzie zahinuli 14 vajskoŭcaŭ.
«Ukazam kiraŭnika dziaržavy Kasanaŭ Daŭren Žumatavič vyzvaleny ad pasady ministra abarony Respubliki Kazachstan», — paviedamiła pres-słužba prezidenta Kazachstana 27 vieraśnia. Aficyjna pryčyna adstaŭki ŭ prezidenckim ukazie nie nazyvajecca.
Daŭren Kasanaŭ uznačalvaŭ Ministerstva abarony z červienia 2025 hoda. 3 vieraśnia 2026 hoda jon byŭ paŭtorna pryznačany na hetuju pasadu.
Trahiedyja adbyłasia 24 vieraśnia padčas vajskovych vučeńniaŭ. Tady 17 vajskoŭcaŭ źniesła ŭ Kaśpijskaje mora. Traich udałosia vyratavać, 14 zahinuli.
Hienieralnaja prakuratura raspačała kryminalnuju spravu pavodle dvuch artykułaŭ, piaciora słužbovych asob Ministerstva abarony zatrymanyja.