У Нясвіжскім замку для турыстаў адкрылі падземныя хады і бастыёны
У Нясвіжскім замку з'явіліся два новыя экскурсійныя маршруты, якія дазваляюць наведвальнікам трапіць у раней недаступныя часткі старажытнай рэзідэнцыі Радзівілаў, піша Times.by.
Нясвіжскі замак. Фота: Aliaksandr Lobach / vecteezy.com
Штогод Нясвіжскі замак наведваюць больш за паўмільёна турыстаў. Адкрыццё новых маршрутаў павінна дапамагчы размеркаваць вялікі паток наведвальнікаў па розных частках комплексу і адначасова паменшыць нагрузку на гістарычныя будынкі.
Адзін з маршрутаў праходзіць праз падземны ход XVI стагоддзя, дзе захаваліся старажытныя абарончыя збудаванні. Другі дае магчымасць прагуляцца па адкрытай частцы замкавых бастыёнаў. Адтуль наведвальнікам адкрываюцца панарамныя віды на замкавыя паркі і сажалкі.
Працягласць кожнага маршруту складае прыкладна 20—30 хвілін. Пакуль экскурсіі праводзяцца без гіда і працуюць у тэставым рэжыме. Адміністрацыя музея таксама збірае водгукі наведвальнікаў, каб ацаніць новыя маршруты.
Чытайце таксама:
З'явіўся сусветны інтэрактыўны сэрвіс аб замках, палацах і крэпасцях. Беларускія там таксама ёсць
Карціны з беларускай сядзібы Радзівілаў вярнулі, але ў Польшчу
Мір і Нясвіж перанасычаныя турыстамі. Ва ўсім вінаватыя блогеры і сацыяльныя сеткі
У Вялікім тэатры хочуць зрабіць пастаноўку ў інтэр'еры замка Радзівілаў
У Беларусі склалі «мабільны» рэйтынг славутасцяў. Самая папулярная трохі нечаканая