Інтэрнэт-краму 21vek.by злавілі на незаконнай рэкламе

Міністэрства антыманапольнага рэгулявання і гандлю Беларусі знайшло парушэнне заканадаўства аб рэкламе ў дзейнасці кампаніі «Трыявіст», якой кіруе інтэрнэт-крама 21vek.by.

Фота: 21vek.by

Паводле правіл бонуснай праграмы, крама мае права дасылаць кліентам паведамленні пра стан бонуснага рахунку і колькасць назапашаных балаў праз тэлефон або электронную пошту. Такія паведамленні не лічацца рэкламай.

Аднак падчас праверкі высветлілася, што ў адным з такіх паведамленняў, акрамя інфармацыі пра бонусную праграму, была размешчана і рэклама. Пры гэтым кліент не даваў згоды на атрыманне рэкламных паведамленняў. Пасля таго як пакупнік папрасіў кампанію спыніць такую рассылку, яму было адмоўлена, і ён паскардзіўся на гэта ў МАРГ.

У выніку праверкі МАРГ выдаў кампаніі загад ліквідаваць парушэнне. Як сцвярджае ведамства, арганізацыя выканала гэтае патрабаванне ў вызначаны тэрмін.

Каментары да артыкула