Internet-kramu 21vek.by złavili na niezakonnaj rekłamie

Ministerstva antymanapolnaha rehulavańnia i handlu Biełarusi znajšło parušeńnie zakanadaŭstva ab rekłamie ŭ dziejnaści kampanii «Tryjavist», jakoj kiruje internet-krama 21vek.by.

Fota: 21vek.by

Pavodle pravił bonusnaj prahramy, krama maje prava dasyłać klijentam paviedamleńni pra stan bonusnaha rachunku i kolkaść nazapašanych bałaŭ praz telefon abo elektronnuju poštu. Takija paviedamleńni nie ličacca rekłamaj.

Adnak padčas pravierki vyśvietliłasia, što ŭ adnym z takich paviedamleńniaŭ, akramia infarmacyi pra bonusnuju prahramu, była raźmieščana i rekłama. Pry hetym klijent nie davaŭ zhody na atrymańnie rekłamnych paviedamleńniaŭ. Paśla taho jak pakupnik paprasiŭ kampaniju spynić takuju rassyłku, jamu było admoŭlena, i jon paskardziŭsia na heta ŭ MARH.

U vyniku pravierki MARH vydaŭ kampanii zahad likvidavać parušeńnie. Jak śćviardžaje viedamstva, arhanizacyja vykanała hetaje patrabavańnie ŭ vyznačany termin.

Kamientary da artykuła