У Тэхасе пасля аварыі грузавіка, які перавозіў вуллі, на свабоду вырваліся два мільёны пчол
У амерыканскім штаце Тэхас пасля аварыі грузавіка на волю вырваліся каля двух мільёнаў пчол. Інцыдэнт адбыўся каля горада Морысвіл на ўсходзе штата, паведаміла выданне The Guardian.
Фота: Queen Bee Supply and Moore Honey Farm
Грузавік, які перавозіў вуллі, перакуліўся, у выніку чаго вялікая колькасць пчол апынулася на свабодзе. Мясцовыя службы па надзвычайных сітуацыях заклікалі жыхароў найбліжэйшай тэрыторыі заставацца ў сваіх дамах і пазбягаць небяспечнай зоны.
На фотаздымках з месца здарэння былі бачныя пчаляры ў ахоўных касцюмах, якія працавалі сярод вялізных раёў пчол. Частка насякомых абляпіла дрэвы і навакольныя аб’екты.
Фота: Queen Bee Supply and Moore Honey Farm
Пазней ратавальныя службы паведамілі, што сітуацыю ўдалося хутка ўзяць пад кантроль. Вуллі пачалі перагружаць на іншы транспарт і перавозіць на мясцовую пчалярскую гаспадарку. Да ліквідацыі наступстваў аварыі далучыліся мясцовыя спецыялісты-пчаляры.
Нягледзячы на стабілізацыю сітуацыі, жыхарам наваколля параілі захоўваць асцярожнасць, пакуль работы не будуць поўнасцю завершаныя.
Чытайце таксама:
Тысячы пчол прыляцелі на пляж у Італіі, а затым вырашылі сесці на пляжны парасон
Меланія Трамп захапілася пчалярствам і пашырае пчальнік Белага дома
У Мастоўскім раёне ў аднаго гаспадара пчолы не перажылі зіму, то ён пайшоў красці чужых
У Беразіне прачнуліся пчолы. Дзяўчынка, якая іх пабачыла, скарыла тыкток