U Techasie paśla avaryi hruzavika, jaki pieravoziŭ vulli, na svabodu vyrvalisia dva miljony pčoł
U amierykanskim štacie Techas paśla avaryi hruzavika na volu vyrvalisia kala dvuch miljonaŭ pčoł. Incydent adbyŭsia kala horada Moryśvił na ŭschodzie štata, paviedamiła vydańnie The Guardian.
Fota: Queen Bee Supply and Moore Honey Farm
Hruzavik, jaki pieravoziŭ vulli, pierakuliŭsia, u vyniku čaho vialikaja kolkaść pčoł apynułasia na svabodzie. Miascovyja słužby pa nadzvyčajnych situacyjach zaklikali žycharoŭ najbližejšaj terytoryi zastavacca ŭ svaich damach i paźbiahać niebiaśpiečnaj zony.
Na fotazdymkach ź miesca zdareńnia byli bačnyja pčalary ŭ achoŭnych kaściumach, jakija pracavali siarod vializnych rajoŭ pčoł. Častka nasiakomych ablapiła drevy i navakolnyja abjekty.
Fota: Queen Bee Supply and Moore Honey Farm
Paźniej ratavalnyja słužby paviedamili, što situacyju ŭdałosia chutka ŭziać pad kantrol. Vulli pačali pierahružać na inšy transpart i pieravozić na miascovuju pčalarskuju haspadarku. Da likvidacyi nastupstvaŭ avaryi dałučylisia miascovyja śpiecyjalisty-pčalary.
Niahledziačy na stabilizacyju situacyi, žycharam navakolla paraili zachoŭvać aściarožnaść, pakul raboty nie buduć poŭnaściu zavieršanyja.
Čytajcie taksama:
Tysiačy pčoł prylacieli na plaž u Italii, a zatym vyrašyli sieści na plažny parason
Miełanija Tramp zachapiłasia pčalarstvam i pašyraje pčalnik Biełaha doma
U Mastoŭskim rajonie ŭ adnaho haspadara pčoły nie pieražyli zimu, to jon pajšoŭ kraści čužych
U Bierazinie pračnulisia pčoły. Dziaŭčynka, jakaja ich pabačyła, skaryła tyktok