Японія адразу ў пяць разоў павялічвае кошт сваіх віз
З 1 ліпеня 2026 года Японія павышае візавыя зборы для замежных грамадзян. Гэта першае такое павышэнне з 1978 года, і яно вельмі істотнае, паведамляе Japan Times.
Здымак ілюстрацыйны. Фота: vecteezy.com
Паводле новых правілаў:
- кошт аднаразовай візы вырасце з 3000 да 15 000 ен (з каля 18,6 да 93 даляраў);
- кошт шматразовай візы — з 6000 да 30000 ен (з каля 37,2 да 186 даляраў).
Міністр замежных спраў Японіі заявіў, што дзейныя тарыфы не адпавядалі сучасным эканамічным умовам. Пры вызначэнні новых ставак улады ўлічылі інфляцыю і змяненне валютных курсаў за апошнія амаль 50 гадоў.
Дадатковыя сродкі, атрыманыя ад павышэння цэн на візы, плануюць накіраваць на апрацоўку ўсё большай колькасці візавых заяў, развіццё праграм вывучэння японскай мовы і ўзмацненне кантролю за нелегальным знаходжаннем замежнікаў у краіне.
Урад краіны таксама адзначае, што пасля павышэння кошт японскіх віз стане больш блізкім да ўзроўню многіх заходніх дзяржаў.
Паводле афіцыйных звестак, у маі Японію наведалі каля 3,56 мільёна замежных турыстаў. За першыя пяць месяцаў 2026 года краіну наведалі амаль 17,94 мільёна чалавек.
Чытайце таксама:
Пасля матчу чэмпіянату свету заўзятары Японіі прыбралі за сабой трыбуны на стадыёне
Як любоў да катоў у Японіі ператварылася ў мільярдную індустрыю
У Японіі змагаюцца з мядзведзямі пры дапамозе «ваўкоў-монстраў» з чырвонымі вачыма