На Рэспубліканскую дошку гонару цяпер будуць заносіць па-новаму
У Беларусі змянілі канцэптуальныя падыходы да адбору пераможцаў для занясення на Рэспубліканскую дошку гонару. Адпаведны ўказ 15 чэрвеня падпісаў Аляксандр Лукашэнка.
Фота ілюстрацыйная
Зменамі конкурс намерваюцца зрабіць больш адкрытым і прыцягнуць да ўдзелу ў ім больш шырокае кола арганізацый. Урад распрацуе адзіны парадак правядзення адбору, а інфармацыя пра яго пачатак і ўмовы будзе больш шырока распаўсюджвацца.
З гэтага часу дзяржаўныя органы змогуць самі, без пасярэднікаў прапаноўваць арганізацыі для ўдзелу ў конкурсе. Таксама скасавана ранейшае абмежаванне, паводле якога пераможцы не маглі трапляць на дошку гонару два гады запар.
Павялічыцца і колькасць намінацый: з’явіліся 14 новых катэгорый у сферах вытворчасці і паслуг, што дазволіць адзначаць дасягненні большай колькасці арганізацый.
Для пераможцаў увядуць і новы фармат ушанавання — разам з занясеннем на Рэспубліканскую дошку гонару ім будуць уручаць спецыяльны ганаровы знак. Таксама плануецца больш актыўна расказваць у дзяржаўных сродках масавай інфармацыі пра вопыт і поспехі пераможцаў.
Чытайце таксама:
Найлепшым дворнікам Магілёва стаў цемнаскуры беларус з гвінейскімі каранямі
Галоўны мост Магілёва хочуць назваць у гонар савецкага разведчыка. Але ёсць гістарычная нестыкоўка