Na Respublikanskuju došku honaru ciapier buduć zanosić pa-novamu
U Biełarusi źmianili kanceptualnyja padychody da adboru pieramožcaŭ dla zaniasieńnia na Respublikanskuju došku honaru. Adpaviedny ŭkaz 15 červienia padpisaŭ Alaksandr Łukašenka.
Fota ilustracyjnaja
Źmienami konkurs namiervajucca zrabić bolš adkrytym i pryciahnuć da ŭdziełu ŭ im bolš šyrokaje koła arhanizacyj. Urad raspracuje adziny paradak praviadzieńnia adboru, a infarmacyja pra jaho pačatak i ŭmovy budzie bolš šyroka raspaŭsiudžvacca.
Z hetaha času dziaržaŭnyja orhany zmohuć sami, biez pasiarednikaŭ prapanoŭvać arhanizacyi dla ŭdziełu ŭ konkursie. Taksama skasavana raniejšaje abmiežavańnie, pavodle jakoha pieramožcy nie mahli traplać na došku honaru dva hady zapar.
Pavialičycca i kolkaść naminacyj: źjavilisia 14 novych katehoryj u śfierach vytvorčaści i pasłuh, što dazvolić adznačać dasiahnieńni bolšaj kolkaści arhanizacyj.
Dla pieramožcaŭ uviaduć i novy farmat ušanavańnia — razam z zaniasieńniem na Respublikanskuju došku honaru im buduć uručać śpiecyjalny hanarovy znak. Taksama płanujecca bolš aktyŭna raskazvać u dziaržaŭnych srodkach masavaj infarmacyi pra vopyt i pośpiechi pieramožcaŭ.