Пакуль першая сенсацыя мундыялю: Аўстралія перамагла Турцыю
Пакуль самы вогненны матч чэмпіянату.
Нестары Іранкунда дае майстар-клас туркам. Фота: Richard Heathcote / Getty Images
На 27‑й хвіліне лік адкрыў ураджэнец Танзаніі Нестары Іранкунда — рыхтык бразілец Вінісіюс Жуніёр, ды яшчэ ў жоўта-зялёнай форме.
Іранкунда гуляе за «Уотфард» з другога англійскага дывізіёна, які ў свой час купіў і быў дырэктарам сэр Элтан Джон.
Потым Турцыя 60 хвілін атакавала вароты Аўстраліі, тыя мужна і талкова адбіваліся, а найбольш геройстваваў галкіпер «Мельбурна» Патрык Біч.
А на 75‑й хвіліне адбылася контратака «сокеруз», і Конар Меткалф з «Санкт-Паўлі», што пакідае Бундэслігу, з 25 метраў пацэліў у варожую браму — 2:0.
У наступным туры ў гэтай групе 19 чэрвеня згуляюць Аўстралія з ЗША, а Турцыя з Парагваем 20 чэрвеня.
Нагадаем, што ўчора ЗША з буйным лікам выйгралі ў Парагвая 4:1.
Сёння на чэмпіянаце свету пройдуць яшчэ два матчы: Германія — Кюрасаа (20:00) і Нідэрланды — Японія (23:00).
Чытайце таксама:
Марока згуляла ўнічыю з Бразіліяй, Шатландыя выйграла ў Гаіці
На чэмпіянаце свету Катар вырваў нічыю ў Швейцарыі на апошніх хвілінах матчу