Pakul pieršaja siensacyja mundyjalu: Aŭstralija pieramahła Turcyju
Pakul samy vohnienny matč čempijanatu.
Niestary Irankunda daje majstar-kłas turkam. Fota: Richard Heathcote / Getty Images
Na 27‑j chvilinie lik adkryŭ uradženiec Tanzanii Niestary Irankunda — rychtyk brazilec Vinisijus Žunijor, dy jašče ŭ žoŭta-zialonaj formie.
Irankunda hulaje za «Uotfard» z druhoha anhlijskaha dyvizijona, jaki ŭ svoj čas kupiŭ i byŭ dyrektaram ser Ełtan Džon.
Potym Turcyja 60 chvilin atakavała varoty Aŭstralii, tyja mužna i tałkova adbivalisia, a najbolš hierojstvavaŭ hałkipier «Mielburna» Patryk Bič.
A na 75‑j chvilinie adbyłasia kontrataka «sokieruz», i Konar Mietkałf z «Sankt-Paŭli», što pakidaje Bundeślihu, z 25 mietraŭ paceliŭ u varožuju bramu — 2:0.
U nastupnym tury ŭ hetaj hrupie 19 červienia zhulajuć Aŭstralija z ZŠA, a Turcyja z Parahvajem 20 červienia.
Nahadajem, što ŭčora ZŠA z bujnym likam vyjhrali ŭ Parahvaja 4:1.
Siońnia na čempijanacie śvietu projduć jašče dva matčy: Hiermanija — Kiurasaa (20:00) i Niderłandy — Japonija (23:00).
Čytajcie taksama:
Maroka zhulała ŭničyju z Brazilijaj, Šatłandyja vyjhrała ŭ Haici
Na čempijanacie śvietu Katar vyrvaŭ ničyju ŭ Šviejcaryi na apošnich chvilinach matču