Прахадныя балы для паступлення ў ВНУ сёлета павялічацца
Міністр адукацыі Беларусі Андрэй Іванец паведаміў у эфіры тэлеканала СТБ, што ў 2026 годзе абітурыентам варта чакаць росту прахадных балаў у беларускія ўніверсітэты.
Андрэй Іванец. Фота: БелТА
Гэта звязана з тым, што сёлета павялічылася колькасць выпускнікоў, якія атрымалі 100 балаў на экзаменах, а сярэднія вынікі па ўсіх прадметах павысіліся прыкладна на два-тры балы.
Паводле слоў міністра, такая сітуацыя сведчыць пра тое, што конкурс у вышэйшыя навучальныя ўстановы будзе больш высокім, а для паступлення на папулярныя спецыяльнасці спатрэбяцца лепшыя вынікі.
У той жа час у 2026 годзе у Беларусі павялічылі колькасць бюджэтных месцаў больш чым на тры тысячы. Дадатковыя месцы з’явяцца перш за ўсё на медыцынскіх, эканамічных, інжынерных і аграпрамысловых спецыяльнасцях, бо менавіта гэтыя напрамкі сёння лічацца найбольш запатрабаванымі ў эканоміцы і грамадстве.
Чытайце таксама:
Стала вядома, калі абітурыенты атрымаюць вынікі тэстаў
Дзяржаўныя мовы на 100 балаў здалі больш за 1400 чалавек. Больш чым на 90% гэта руская
Анулявалі вынікі на ЦТ школьнага выдатніка, які апублікаваў фотаздымкі тэставых заданняў
У БНТУ ўводзяць электронную чаргу пры падачы дакументаў на паступленне