Prachadnyja bały dla pastupleńnia ŭ VNU sioleta pavialičacca
Ministr adukacyi Biełarusi Andrej Ivaniec paviedamiŭ u efiry telekanała STB, što ŭ 2026 hodzie abituryjentam varta čakać rostu prachadnych bałaŭ u biełaruskija ŭniviersitety.
Andrej Ivaniec. Fota: BiełTA
Heta źviazana z tym, što sioleta pavialičyłasia kolkaść vypusknikoŭ, jakija atrymali 100 bałaŭ na ekzamienach, a siarednija vyniki pa ŭsich pradmietach pavysilisia prykładna na dva-try bały.
Pavodle słoŭ ministra, takaja situacyja śviedčyć pra toje, što konkurs u vyšejšyja navučalnyja ŭstanovy budzie bolš vysokim, a dla pastupleńnia na papularnyja śpiecyjalnaści spatrebiacca lepšyja vyniki.
U toj ža čas u 2026 hodzie u Biełarusi pavialičyli kolkaść biudžetnych miescaŭ bolš čym na try tysiačy. Dadatkovyja miescy źjaviacca pierš za ŭsio na miedycynskich, ekanamičnych, inžyniernych i ahrapramysłovych śpiecyjalnaściach, bo mienavita hetyja napramki siońnia ličacca najbolš zapatrabavanymi ŭ ekanomicy i hramadstvie.
Čytajcie taksama:
Stała viadoma, kali abituryjenty atrymajuć vyniki testaŭ
Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
Anulavali vyniki na CT školnaha vydatnika, jaki apublikavaŭ fotazdymki testavych zadańniaŭ
U BNTU ŭvodziać elektronnuju čarhu pry padačy dakumientaŭ na pastupleńnie