Трансляцыю парада ў Маскве рыхтуюць да непрадбачаных сітуацый
Калі нешта здарыцца, гледачы нічога не ўбачаць, сцвярджаюць крыніцы выданняў «ВЧК-ОГПУ» і Rucriminal.info.
Парад у Маскве летась. Фота Wikimedia Commons
У «жывы эфір» трансляцыя парада пойдзе з традыцыйнай затрымкай на некалькі хвілін. Калі штосьці падчас прапагандысцкага мерапрыемства здарыцца, гледачы на сваіх экранах нічога не ўбачаць, бо для падстрахоўкі падрыхтаваны запіс з рэпетыцыі парада на вайсковым палігоне ў падмаскоўным Алабіне, дзе створаны макет Краснай плошчы. Запіс там зроблены без паказу трыбун, і яго адразу ўключаць у выпадку надзвычайнага здарэння.
З гэтай жа самай мэтай былі ануляваныя акрэдытацыі на парад замежных СМІ, а здымкі расійскіх СМІ будуць праходзіць традыцыйную шматузроўневую цэнзуру.
Дапоўняць інфармацыйную абарону Крамля цалкам выключаныя ў гэты час мабільная сувязь і інтэрнэт.
Чытайце таксама:
На парад у Маскве не пусцяць замежныя СМІ
«Дзіўнае жаданне ў гэтыя дні». Зяленскі не рэкамендуе замежным палітыкам ехаць 9 мая ў Маскву
На святкаванне 9 Мая да Пуціна прыедуць Лукашэнка і яшчэ трое кіраўнікоў дзяржаў
У Расіі аб'явілі перамір'е на 8 і 9 мая і пагражаюць ударыць па цэнтры Кіева
Уладзімір Зяленскі адказаў на пытанне, «ці ўкраінская дэлегацыя паляціць на парад у Маскву»