Махляры зрабілі фальшывы сайт Нацбанка
Нацыянальны банк Беларусі папярэдзіў грамадзян пра выяўлены ў інтэрнэце фальшывы сайт, які імітуе афіцыйны рэсурс рэгулятара.
Паводле інфармацыі банка, у даменнай зоне.by з’явіўся сайт, які сваім адрасам і знешнім выглядам вельмі падобны да сапраўднага сайта Нацбанка. Аднак кантактныя даныя там не адпавядаюць рэальным, а пераход па спасылках можа быць небяспечным.
У сувязі з ростам колькасці махлярскіх схем, дзе выкарыстоўваюцца назвы дзяржаўных органаў і арганізацый, грамадзян заклікаюць быць асабліва ўважлівымі.
У Нацбанку нагадалі, што сапраўдны афіцыйны сайт размешчаны толькі па адрасе www.nbrb.by.
Таксама жыхарам раяць заўсёды правяраць адрас сайта ў радку браўзера і не адкрываць падазроныя спасылкі.
Чытайце таксама:
Новы спосаб выкарыстання кур’ераў: забіраць на пошце скрынкі з абуткам
12‑гадовая дзяўчынка стала кур'ерам тэлефонных махляроў у Мінску
Мінчанка адпрасілася з працы, каб узяць два крэдыты і перадаць махлярам 50 тысяч даляраў
У міліцыю за мінулыя суткі паступіла больш за 500 паведамленняў пра званкі тэлефонных махляроў